Sietes, 23 d'Agostu
El pasáu día 10 d'agostu tuvo llugar na población de Sietes (Villaviciosa) la cuarta xornada de les ocho que componen el programa Súbite a la Tenobiera, entamáu pola compañía profesional d'espectáculos asturiana Producciones Nun Tris.
Trátase d'unes xornaes onde siendo los conxuntos d'horros, o unidaes singulares de los mesmos los protagonistes, van plantegase actividaes culturales de bien estremáu calter pero que vienen destacar la importancia qu'estes icóniques edificaciones tienen pa la sociedá asturiana. N'esi sen, va haber charres, presentaciones, visites guiaes, teatru, música, o esposiciones en caúna les sedes, colo qu'amás d’apurrir un calter específicu a cada convocatoria, preténdese dinamizar de dalguna forma la vida cultural de cada allugamientu, collaborando con estremaes persones, asociaciones o entidaes. Nesti casu ye solliñable la collaboración con la La Casa l’Horru, dende onde partió la visita guiada, y cola Asociación de Acuarelistas Nieblastur, además de artistes y artesanos llocales.
La xornada desendolcóse según el siuiente programa:
- 30 Presentación xornada
- 12:00h y 17:00h. Visita guiada al conxuntu d'horros de Sietes, Villaviciosa, cola collaboración de la Casa de L’horru.
- La visita de la tarde incluyó animación teatral (Producciones Nun Tris), actuación del grupu pandereteres L’Algara, y too ello acompañao de los sones d’una bandina tradicional.
- 30h. Inauguración esposicion de semeyes antigües
Durante la mañana hebio un Taller de elaboración de facines pa píblicu infantil al cargu de Luis Prida.
19:00h. Demostración de trabayu sobre indumentaria tradicional (monteres picones) al cargu de Yolanda
- 19:30h Espectáculu What for… d’Escena Vertiente.
L’Asociación de acuarelistas Nieblastur realizó cuadros sobre horros a la vista del públicu.